Riwaaj Tere Shehr Ka

Yeh mazaaq hy meri zaat se

Ya riwaaj hy tere shehr ka,

Kabi is taraf kabi us taraf

Kia mizaaj hy tere shehr ka?

Yahan nafratain bari aam hain

Yahan chahton ki qadar nahi

Wo jo khoon tha mere jism main,

Wo anaaj hy tere shehr ka

Nahi hadd yahan kisi zulm ki

Na hi paas hy kisi rabt ka

Wo jo haal tha yahan kal talak

Wohi aaj hy tere shehr ka

Yahan kaatna kisi or ko

Hy bahadri ki alaamtain

Wo jo jangalon main b tha kabi,

Wohi rawaj hy tere shehr ka.